السلام عليكم الى نجمات المنتدى جميعا هذه الباقة من البوقالات
اعلم ان هناك عضوات لا يعرفن معنى البوقالة. لذلك ساشرحها باختصار. نستعمل البوقالة عادة في السهرات خاصة الرمضانية . حيث تتجمع الفتيات والنسوة وتبدا واحدة بقول البوقالات وهي عبارة عن جمل لها معاني متعددة خاصة معاني الحب والزواج والشوق والفراق . و تقوم اخرى باحضار خمار او شال او منديل وتقوم بلفه على شكل عقدة يمكن فتحها بامساك طرفي المنديل. والفتاة التي تمسك بالمنديل تكون قد ذكرت في قلبها وفكرها اسم واحدة من الحاضرات في السهرة وعندما تقال البوقالة تذكر هذا الاسم المخفي وتحل العقدة . اذا فتحت العقدة فان الكلام ينطبق عليها واذا لم تفك العقدة فان الكلام ليس عليها . وطبعا هذه عبارة عن مزحة فقط لمتعة السهرة . كن يقمن بها النساء الجزائريات منذ عدة عصور وتعتبر لعبة قديمة جدا.
واش راكم يا بنات
نشالله تكونو بخير.و العائلة كامل بخير من الكبير حتى الصغير .
انا نبدى نقول البوقالات اللي نعرفها وانتن انووها على اللي تحبوهم.....
بسم الله بديت وعلى النبي صليت وعلى الصحابة رضيت وعطيت يا خاقي يا معين نجينا يا ربي من الكشايف والتمريت .هذه البوقالة نويت...
****جزت على هاذيك الساقية صبت الماء يولول . واللي ناوي الحاجة ربي يكمل*****
1- اسمعت قر الحمام . في قاعة السجنة . لا من عطاه الماء لا من سقاه اللفظ . يا قمر الحمام . يعيا يحن الحنين . وننعمر اقبوشه الماء . وانعودوا لزمانا كيما كنا.
2 - جزت على باب دارنا . صبت الناس الملاح رقود . اتنهدت الدالية . واتخلخل العنقود قال:يا هلال تكشف قالو النجوم ذنوب . خلو القلوب تهنا . هذا الشيء بالمكتوب .
3 - خرجت من فاس . دايرة الداح والمقياس وازويجة مالخراص . هددت وذنيها . اللي عندو نقش الريال يجي يديها . واللي معندوش يقعد يقابل فيها.
4 - خرجت بدر البدور . تتزعبل والدور. تلقت ذوك الشعور . زادو لي حالي . نطلب ربي الحنين ما يجي العام يدور حت انكون في بيت مع غزالي.
5 - خرجت للسطح نفضت زربية . جازو ثلاثة عزاب علي . الاول بعثو الملك و قالو نبغيها . والثاني بعثو السلطان و قالو نكسيها . والثالث بعثو لحبيب وقالو انموت عليها وغير هي اللي نديها.
6 - راني في وسط جناني السر والبها ريتو بعياني . راني حالف هذه المرة ما ناخذ غير البراني.
7 - اسمعني يا حمام . طير لا ترتاح . وانزل فوق السطح العالي . وفوق شجر التفاح . روح لحبيبتي بنت الناس الملاح . قولها قلب حصل عندك وما لقيتلو مفتاح.
8 - بيدي قطعت اللحم وعملتو في النار . و بوذني سمعت الكلام وعرفت الغدار . وقتاش يتلم الشمل ونبنيو الدار.
9 - يا شمس واش بيك ذابلة . الا بيك على الزين . راني عليك نهدر . والا بيك على الزواج غير النتي اللي نديك.
انوو وزيدو ونشالله تكونو كامل بخير .
__________________
علمتني الحياة
أن أجعل قلبي مدينة بيوتها المحبة
وطرقها التسامح والعفو
وأن أعطي ولا أنتظر الرد على العطاء
وأن أصدق مع نفسي قبل أن أطلب من أحد أن يفهمني
وعلمتني أن لا أندم على شي
وأن أجعل الأمل مصباحا يرافقني في كل مكان ..
