قصيدة مضاضة حلم
ياكثر ماشلتها في صدري الحاني
معها قتلت الصباح اللي بقى فيني
شفني حقيقه بليا قلب ولساني
فيني تجمعت حتى سالت يديني
شريان حرف ومضاضة حلمي الفاني
وشوي ذكرى بقت لي لاجل تحييني
كلي تفاصيل تكتب وجه يقراني
لاسلهم الهم جابتني عناويني
لالا يهمك كبير بعين الاحزاني
جوفي يضم العنا والله يوحيني
مد الالم لين يهدي الدمع وجداني
واطيح من سلة افكاري بكفيني
ياقسمة الضيق وقفتي بشرياني
منك عروق الخفوق تضكها سنيني
ياما شربتك تعاسه لين حرماني
واقفرت ضحكاتي اللي منك تشكيني
كل المراسم عزيزة قدر واخواني
لاحافها الضيم جت يمي تقهويني
من غاير الجرح حتى وقت نسياني
برحل مع رحلة الايام في ويني
نويت اشرع خطاي بوجه الازماني
يمكن على لوحة الاعوام تبكيني
زهدت باللي وضعه الرب وازراني
لوي عن الشوف شلت اللي تقديني
ياما بي الدرب غص وقام ينخاني
واجيك راجع وانا اللي في يلويني
كله لاجل مايأنبني هالانساني
من شان خاطر شريتك بالملاييني
لكن تجاهلت كل اللي بالاعياني
واصبحت مهد الظنون تروح وتجيني
عندك مكاني ولكن لاتحراني
مع فجة الضو ابفقد هالنظر فيني
